نكت جميلة ورائعة جداً أتحداك إن لم تضحك وتفرفش من قلبك

نكت جميلة ورائعة جداً أتحداك إن لم تضحك 

نكت تموت من الضحك

  الموضوع مفتوح للمشاركة
حد سمع اخر نكته للصعايده
طبعا لا النكته ديه هى اللى فيها السبب الوحيد لتأليف النكت على الصعايده
اقرأ ياسيدى
الراجل اللى بيألف نكت على الصعايده حب يتوب فراح يحج
وهو بيحج تمسك بستائر الكعبة وفضل يدعى ربنا
يارب سامحنى انا غلط فى الصعايده كتير
يارب سامحنى انا هنتهم كتير
يارب متخليش حد منهم يبقى متضايق منى
وهو بيدعى صادف واحد صعيدى كان بيحج سئله وقاله
هى الجبله منييين؟
الراجل قال
يارب انت عالم ان هما اللى بيستفزونى



شحات راح لواحد قال له لله قال له ربنا يسهلك فقال له ولو مسهلهاش ارجعلك؟



مره واحد معلم ابنه بدل ما يقول عاوز اعمل حمام يقول عاوز اصفر
وفى يوم كان الطفل نائم مع جده فقال له عاوز اصفر
قال له جدة الدنيا ليل والناس نائمين فضل يبكى وهو يقول عاوز اصفر
فقال له الجد صفر فى ودنى بس براحه



مرة 3 أطفال راحوا محل لعب الاول بيقول للبياع: عمو عمو عايز بلونه. جاب السلم وطلع لفوق على الصندرة
وجاب بلونه ,نزل فسأل الثاني: وانت عايز ايه؟ .قال له بلونه.. قال له ماقلتش ليه وانا فوق!!
المهم طلع جاب له وهو فوق سأل الولد الثالت: وانت كمان عايز بلونه؟؟؟ قال له لأ...
فنزل الراجل وارجع السلم وسأل الثالث : عايز ايه؟ قاله: عايز بلونتين



مرة واحد مسطول قابل شيخ فقاله كنت فين ياعم الشيخ فرد عليه الشيخ وقاله كنت بحلل بول
فقاله المسطول مش حرام تحلل البول وتحرم الخمرة



يقولك مرة فار ماشى مع خطيبته فى الغابة وفجاة لاقى الاسد فحب يعمل راجل قدام خطيبته
فراح للاسد قاله: انت يا حيوان
الاسد رد : انت بتشتمنى انا ؟؟ رد الفار وقاله: ايوة بقولك انت
و مشى الفار وراح وصل خطيبته لبيتها وهو راجع قابله الاسد قال : انت كنت بتشتمنى انا يا فار؟؟
قال: لا والله دا انت ملك الغابة هوا حد يقدر يشتمك؟؟ أنا بس كنت بعمل شويتين كده قدام البت
انا اسف وهات راسك ابوسها طلع الفار على راسه عشان يبوسها فشاهد خطيبته معديه
فقال للاسد: ادوس على دماغ امك دلوقتى؟؟؟



واحد بلدياتنا عمل 2 إيميل، واحد دوت كوم للشتاء وواحد نص كوم للصيف



تلاتة دخلوا الجامعة ، اتنين طلعوا مهندسين والتالت طلع مدينة نصر



مرة حلاق وابنه بيتفرجوا على ماتش كورة المذيع قال : بيشوط بمشط رجله وجت فى المقص.
ابنه قاله الحق يابابا بيلعبوا فى العدة



مرة واحدة أهدت لصاحبتها بغبغان هدية سألتها علية تانى يوم قالت لها عادى طعمه زى الفراخ



واحد صعيدي راح قال لابوه "يا با رخصة السواقة بتاعتي خلصت" قال له "من لفلفتك ف الشوارع طول النهار يا ابن الجزمة!"



مرة قردين واحد حظه حلو والتانى حظه وحش كانوا جعانين دخلم حديقة موز اللى حظه حلو طلع فوق
واللى حظه وحش نزل تحت جه صاحب الحديقة ضرب اللى حظه وحش واليوم التانى والثالث تكررت نفس الحكاية قالو لازم نغير
انت تنزل تحت وانا اطلع فوق حضر صاحب الحديقة هوا وابنه ابنه جاى يضرب اللى حظه حلو
قاله سيبه ده غلبان بقاله كذا يوم بينضرب هتالى ابن الكلب اللى فوق ده



جماعة بيحششوا ..... فجت كبسه... كل واحد اسـتخبه في شوال جه الظابط ضرب الشوال الاول برجله
خرج واحد منهم و قعد يكاكي وعمل نفسه فرخه ضرب التاني خرج وقعد يأدن وعمل نفسه ديك
ضرب التالت مخرجش ضربه تاني مخرجش ضربه جامد المره دي خرج وقال له شوال بطاطس بطاااااااطس انت مابتفهمش



ظابط مرور خلف طفل بيتكلم بالاشارة



مرة دكتورة اسنان ببسئلوها انتى اتجوزتى؟ قالت لهم لثة



مرة واحد غبى واقف في الشارع و بيتكلم في المحمول و عمال يزعق و يقول: بس دوري تاني، دوري كويس.
واحد معدي في الشارع قالة : في إيه ؟ راح واخد المحمول منه وبيسمع (الرقم الذي طلبته غير موجود في الخدمة)



سفاح معه سكينة مسك رجل وامرأة, قال لهم: سوف أقتلكم. لكن قبل ما اقتلكم سأل المرأة عن اسمها
فقالت له: منيرة. قال لها خلاص مش ممكن أقتلك اسمك زي اسم امي. وبعدها سأل الرجل: وانت اسمك اية؟
قال له: سالم بس بيدلعوني منيرة... ؟



مسطول يقول لصاحبه:حلمت البارحة أننا أصبحنا فنانين .. أنت فنان تشكيلي وأنا فنان أشكيلك